2008年6月9日星期一

一週回顧

〔星期二〕黃雨,有遮也沒用,背包衫褲盡濕!


〔星期三〕幫個靚Aunt看PC,事關天氣熱唔想行半小時弄得身水身汗,所以搭巴士,從彌敦道的中途站上車,跟著瀟灑地取出八達通"咇",中招!車長忘記轉銀碼,這個站上車應該有得平幾毫子啊!


〔星期四〕好口福天。DeepC媽浸了批大粒江瑤柱,及預備好金華火腿厚片,之後拿了去相熟的食品店交人家去包粽,取到粽後即日品嚐,超好吃!!因為無雪過,所以十分鬆軟,加上私伙勁材料,個人覺得好吃過新三陽的金華火腿粽!


〔星期五〕整日落雨,由朝落到晚無停過!


〔星期六〕「百年一遇」大雨,全港放半天假,黑雨、紅雨及黃雨信號出齊,多處地方水浸,雷大得床板也震,大澳區最慘,雨水弄斷水、斷電、斷陸路及斷通訊。這個雨太厲害了!


〔星期日〕事件一,發現新款的ATM機是行web base,還是MS的platform。點解DeepC又會知?因為個見到佢出左個Error 畫面囉~ (真奇,這個年代real time transaction竟然無exception 處理. =_=")


事件二,去M記吃下午茶,叫了一個新上市的 玉子將軍漢堡餐,HKD25.3,好好味,不過由排隊買的一刻到吃光這份餐,唔係咁happy。
先是見到其他客人亂花膠袋,例如外賣一個餐,用了一個紙袋裝包及薯條,另外再用一個膠袋裝涷汽水,但有些人(客人)還是需求取多一個大膠袋將紙袋及裝汽水的裝放在一起。


另一位只是要了杯細奶昔,這個order根本不用膠袋,但該客人還是要求取一個大膠依,理由是:有私人東西要裝。=.="


不看了,無眼睇,吃包吧,看著個靚漢堡盒,很期待,一打開,原來個包還有一張漢堡紙包著,大佬,用了漢堡包紙就唔雖用盒啦,尤其是堂食,這個廿多元的餐,製造了許多垃圾,唉~日後還是小吃M記為妙。


〔星期一〕 端午節假期,到了「小魚滋味」開午餐(其實係下午茶),要了個上海排骨魚湯米線,加涷奶茶,好味!之後逛街,齋逛(其實有東西要買,但睇唔啱心水 v-v),太陽下山,搭巴士回家,下車後見到巴士尾噴出大量綠色液體,即時反應是行去車頭找司機,當時司機想開車,但以為DeepC要上車,所以打開車門,DeepC在車外大叫”車尾漏綠色液體”,司機答”係咩?”,跟著快步下車看情況,見他己知情,所以轉頭就走了,但有點怕,不敢在車尾過,繞過車頭過對面馬路,回頭一看,該己士尾還開始出煙,隨後的大巴也退後兩米,希望架巴士及乘客沒事就好了。

8 則留言:

  1. 你的一週也有很多大小事發生啊!
    流綠水較恐怖...

    回覆刪除
  2. 事件數量都唔少啦, 其實還有, 懶得打~ XD

    天氣熱, 又成日下雨, 巴士日開夜開, 我諗D機件都幾傷.

    回覆刪除
  3. re: [星期四]
    這個端午節吃了好多私家粽..都是各個姨姨們包過來的愛心東東..
    好好味哦.. 吃了大約有3隻...肥~

    回覆刪除
  4. 我諗我前前後後都唔只吃左三隻, 仲肥!
    不過呢, 這幾天會行多d路消下脂. ^^

    回覆刪除
  5. 唔只3隻?????? 好勁~~~肥ar~ hahaha
    要行幾多路先消得返ga?
    an

    回覆刪除
  6. 我都唔知要行幾耐先可消晒, 因為除了時間外還要考慮步行的速度嘛. :)

    其實我估我可以一日消一隻粽的卡路里 (如果有恆心步行的話), 因為我通常會行二至五個鐘頭不等. ^^"

    回覆刪除
  7. 下~ 點解要行2-5個鐘頭ar???
    2-5個鐘才消到一隻... :(

    p.s. 你的blog個純音樂令人感覺好舒服啊.

    an

    回覆刪除
  8. 其實係我喜歡行囉, 一係唔郁, 行開就行得較長時間, 順便當做運動嘛~ ^^

    Background music 是宇多田光作曲first love, 對我來說這首歌百聽不膩. ;)

    回覆刪除